http://whois.domaintools.com/hk-bvezone.org
不過 domain name 到期日係 22-Jan-2011
擁有人應該仲係 Real HK 果邊
有可能係轉 hosting?
不過響佢執左個論壇之前果啲進度 post 都已經全部入唔到,加上好耐都無 post 吓消息。我都唔記得佢地最後一次佢地用 Real HK 的名義講嘢係幾時,唔知係講 Real HK 個 forum 執笠定 johnwong 果單嘢。我諗唔少人都當佢唔再整 BVE 啲嘢。
香港近期有啲消息放吓出來的 BVE 組織十隻手指頭都數得晒
間唔中都有啲人想去學吓整,有啲就真係整到啲嘢的,有啲就問完就算
真係整到果啲人整出來的嘢質素都唔係特別高,公開出來都冇乜驚喜。真係整得好的人唔多,都係得一兩個
初初整的話整得差其實都好正常,不過一係整完就走;一係就繼續整,但整來整去都差唔多
真係識整的人或者都想教吓啲想學的人的,但通常都係有心無力。因為大家都唔得閒,一係就係學果個唔明,要講多幾次
有天份的人唔多,唔係個個好似 armo 同 winsome 咁一整就咁高質素、咁似樣
你話如果 BVE 果邊好似 MM2 果邊咁活躍就好,整果個都整得投入啲。BVE 果邊整整吓就好快無癮
所以最緊要都係整好晒一個完整的教學資料,等人學都易啲。啲人睇睇吓外國果啲 tutorial 唔明來問 啲人又答啲答咗等如無答的嘢,人地自然就無癮,放棄唔整。玩果啲就玩來玩去都係果啲陳年路綫,玩得多都厭,之後愈來愈少人玩,就好似而家咁。