呢排有冇發現好多地圖黨喺度叫觀塘綫行康城無咁亂?我第一次睇到都算,呢排呢啲文充斥好多討論區,真係非常難頂。
1. 觀塘綫如果要去將軍澳綫,必須要到達調景嶺站前調往將軍澳綫路軌。因為可能要等車調配完先可以過,咁樣打亂晒全條觀塘綫既班次。
2. 好似上面講,康城站返觀塘綫嗰陣,一定要去將軍澳站同埋將軍澳綫既調景嶺站月台。咁樣會將搭錯車個問題由往寶琳方向轉移到往北角方向,而將軍澳綫乘客又要揀喺將軍澳站定調景嶺站轉車,更加複雜。
3. 每條線都有個車廠,咁樣觀塘綫霸埋將軍澳車廠,咁將軍澳綫點算?
4. 觀塘綫既客量絕對比寶琳同坑口高。而觀塘綫延伸去康城,只會令寶琳同坑口減少擠迫,不過會令觀塘綫沿綫超過十個站既月台等候時間上升。