關於simutrans(以下簡稱simu)點先發達，
好多人都知，梗係開路線啦！
咁開路線又應該點先有客呢？
其實開路線都有好多方法
例如：一城＜＞二城，一城＜＞一城等等
咁但係，點先知有冇客源呢？方法好簡單，就係睇下你想起車站個位附近有啲建築多唔多客量，
如果一個建築得三兩個人，好自然，你個車站起左就要等好耐先有幾個人用，甚至可能冇人用。
既然起個站冇人搭車，咁個站就即係晒錢啦，而初初開始玩，最好方法就係：先搵一個小圈子起巴士站，
點解先起巴士站？因為巴士佢唔需要鐵路，好自然就開支少啲，一來唔洗用錢起路，二來又唔洗負責呢份每個月都幾大開支
嘅道路維修費。咁樣，咪可以用最少嘅成本搵到最高嘅利潤囉，何樂而不為呢？
路線方面，咁又應該點分配車站先為止最好？上面都講過啦，睇附近嘅建築呀嘛！但事實上，並唔係咁簡單，
上面只係講左點先為止起車站嘅最佳地點。而點分配車站先係最重要。首先，如果有一條路線，連得兩個小城市，
你會唔會搭呢架車先？你可能會話我聽，你會，但係，你又會唔會經常搭呢？你肯定會搭唔會，隨非你係哥度讀書或者返工迫住要去者。
但係simu入面，係冇去第二個城市返工返學呢樣野。而你嘅服務範圍，亦都只係得５＊５咁細嘅地方，咁你肯定要起好多個站先可以覆蓋
一個城市啦，所以就要睇客量做人啦！就係睇住佢５＊５呢個範圍有冇比較多客量嘅建築。
另外，一條成功嘅路線，並唔需要好多個站，最少可以兩個就做到一條成功嘅路線，不過，千其唔好唔記得比好嘅交通網路比你啲乘客，
所以，你一條得兩個站嘅路線，就要有其他路線做接駁，令你啲乘客可以去到更多地方。
當你見到你啲錢開始有增無減哥時，你就可以開始你嘅鐵路大計，可以起鐵路啦，但因為你已經有良好嘅交通網絡，
所以你就可以拋開一切，放心咁建設，唔洗驚佢會冇客搭，因為，你之前哥啲巴士，已經為你後面嘅發展鋪好左金光大道。
我嘅心得到呢度就完啦，希望大家都可以係 Simutrans 入面大展拳腳。
祝各位棋開得勝，發大達啦！
