首先 8:30 集合，我 7:10 起身，搭觀塘綫，閂門先記起搭東鐵綫仲快…
去到中環 5 號碼頭 8:00。格離班係去南丫島，4 號碼頭，所以又過黎串我地…
睇睇下 AM730，無啦啦彈舊雀屎黎份報紙
立即比垃圾桶食9:00 開船，班港女去到 8:57 先到
遲足 27 分鐘 搭慢船，熱到抽筋…玩 PSP 玩到長洲碼頭。
9:45 到，之後有人漏道具上船，搞到 10:00 先開始行。
班野想玩 game 先，佢地去長洲東灣海灘，我同我組既組員都係東灣海灘搵爐
不過我地比佢地遲去，都可以早過佢地去到東灣海灘…
去到拖住堆野都搵唔到，又要問清潔阿工救生員泳客，全部都係老點我地…
老點到去個區議員門口，入去問個區議員，話天后廟前面有。
去到，果真有，不過個老闆又話佢個爐唔好
完全唔符合經濟學既原理最後三求四求，求到租爐，$30，不過唔可以喺天后廟條大街食，要出海皮食…
得啲椅子同埋爐，連桌都無
嗰啲椅仲要係政府設立嗰啲長椅。咁樣搵爐已經搵咗一粒鐘。
11:00，settle 好，要起爐
起爐就煩到死，超大風，起咗一陣又熄…
後尾用一招，報紙，點知一燒成份燒晒，後尾仲大風到扯開幾個火球吹去我啲同學到，超恐怖，好彩有驚無險，無燒到。
個爐終於起到，份報紙就自己燒完，踩幾下唔比佢再死灰復燃。
咁樣又起咗一個鐘，得返兩個半鐘食，去到 12:00…
其實喺啲長椅上面燒烤已經好引人注意，好多人行過都以好奇既眼光對待我地…
特別係嗰間佛教中學，一放學食 lunch 成班人踩單車都係望住我地…
我燒烤個位又係好唔舒服，太陽無論係上晝定下晝都照住…
燒到去 2:00，都係燒剩幾粒丸，啲雞翼食得六舊、雞扒六塊四塊比港女整跌、肥牛食得幾條、牛扒未食過。剩返價值大約 $150 既食物，超多 -.-|||
後尾比晒阿婆，我地都唔想帶住咁多血返屋企…
3:00 集合…
最後去到 3:15，上船返中環碼頭，去中環站轉尖東再搭去九龍塘，快過觀塘綫。
阿 sir 話唔可以分散，最後都係分散晒…
無一組食海鮮，得我一組燒烤，剩低全部掃街
最搞笑係有港女想黎我地燒烤，去天后廟，點知去咗北帝廟，超低能，勁搞笑…
今次真係好唔掂，搵爐都浪費晒啲時間
不過今次個爐又幾香，第一次食啲芝士腸咁好食 
點解同港女一組，整跌晒 D 野既？ 
