I-Circle Forum

大大師兄 寫:

bananasims 寫:而家 A-Level 都係有通識
我聽啲大學師姐話通識根本無得死背

根本你分析能力同跟大路思維就 A，偏激、特殊、不道德咁作答就好易肥。

食慒咗？
中化夠係要求分析力強啦，咪又係個個走去背

順便回帶，陶傑試做通識卷
http://bit.ly/5qlav6
http://bit.ly/4LaVar

唔好潛水呀

拜託，拜託，批評前請先了解中化呢一科，唔好自暴其短。
一個需要背既科目唔代表嗰科有問題，我地要睇背既係乜嘢。
如果我地背 marking scheme 就可以拎高分，代表嗰科既課程有問題。

好似數學科，我地個個都要背嗰啲 condition、名、方程，咁樣係咪代表佢差？如果數學背 marking scheme 就可以有高分的話就話有問題啫。
同中化一樣，我地要背既係課文內容，兼且要融會貫通，對儒家既文化有核心認識，再喺試場裹用你背既知識分析嗰個 situation，先至可以拎高分。靠背 marking scheme 有分拎，幾分囉。

中化係要背晒堆課文，兼且要融會貫通、分析，先至答到
好似話儒家要捨生取義係咪陳義過高，如果你就咁喺書到掟句「人生的意義」既「要酌量放棄道德底線，並且喺日後全力修復」，請問你又點拎高分？
你要先分析、了解題目，作出解釋，先用到呢個 point 去駁返捨生取義唔適當。
死背係無可能。

再舉數學做例子
(3a + 2b)^2 = ?
睇完 marking scheme 知個答案
不過條題目改做
(2a + 3b)^2 的話，你又識唔識做？
咁樣你咪要背
(a + b)^2 = a^2 + 2ab + b^2
先識做囉

歷史，眾所周知係要背野
不過係背嗰啲「俄土戰爭係 1877 年」、「奧匈係喺法國訪問俄國後先向塞爾維亞發出最後通諜」
而非「奧匈喺法國訪問後先發出最後通諜，因為佢唔想有空間解決問題」，否則條題目變化一下就奶晒野
另外如果你背完野又唔分析，又唔 elaborate，照塞入去
咪比人一句 "too factual" 比你 0-15 囉！

背唔一定代表嗰科既課程有問題
我只可以講靠背 marking scheme 先可以話嗰個課程有問題
完全乜野都唔背嗰啲就真係天才，唔好背，sin45 計 abs value 點計出黎 (用 binomial approximate一樣要背）

雖然我中化考得麻
不過我完全唔見得中化個課程有乜問題
你話中化可以背黎溫書，咁樣我都願聞其詳
因為我中化聽下書，無特登背過野都係徘佪係 20~24 分，我想拎高過 25 分 又唔知點拎好

早就估到你拎陶傑做例子啦
一黎，第一次考試你能能唔能夠保證可以拎高分？二黎，陶傑既思想相對現有大路思想，係咪比較極端？
通識科係要你將各個角度既論點綜合，再分析得出自己既立場
而唔係有既有立場而去武斷下定論
而立場幾時都係大路思想（正反都有）
好似 History 咁，如果你講希特拉／英法完全唔洗為二戰負責，基本上起評點都係 0~15
而你支持希特拉需要為二戰負大部份責任、或者英法需要為二戰負上大部份責任，呢啲先至叫大路思想
除非你能夠舉出大量既例子說服考官
通識科唔係你發表偉論既場地，要發表偉論請去網誌、報紙、議事論事發表
我完全支持你有發表言論既自由，即使你既意見唔同我，我都唔會話你食慒咗

唔好講中化,就算係微積分,你靠死背真係唔會攞得高分,
次次出題都唔同,你要了解個pattern,之後再做番出黎,
當中都要明白concept先至攞到高分

ccya965041 寫:唔好講中化,就算係微積分,你靠死背真係唔會攞得高分,
次次出題都唔同,你要了解個pattern,之後再做番出黎,
當中都要明白concept先至攞到高分

今日先測完
有同學咪死背囉
見到個 klnx（k is constant）就走去用 product rule
有啲仲好野
y^y
= y x y^(y-1)
= y^y
O 晒咀
呢啲咪叫死背、唔識融會貫通

product rule已經係最簡單了,
最多人衰係chain rule

就算識計又點
香港自稱有全世界最難既 Pure Maths
不過唔識 application 呢
聽啲人話建築署嗰啲人成日鬧嗰啲大學生
Pure Maths 攞 A，不過 Pure Maths 啲嘢通通唔記得，普通一條工程既數都唔識計

唔好講 Pure 同建築，淨係我科 M&S 同 ECON
ECON 老師話有讀 M&S 既人可以試下用微積分計 ECON 既 Elasticity
開頭我都覺得難，不過試完都覺得好易計
不過有班友試都唔試，有啲連 First Principle 都唔記得條式！
淨係識得應付考試，學黎都廢既

尋日同今日落雨
傾計傾呢個咩 rain，有讀 GEOG 嗰啲竟然話唔知
frontal rain 囉，冷暖空氣相撞出現一個 front，產生雨水

如果繼續行舊制（除咗文科，因為大部份文科都改晒 syllybus），香港就真係玩完啦
334 多咁多 application，呢啲先有用嘛
334 初頭無可能成功，不過慢慢就知點解佢好架啦

LS 其實幾考分析
不過我校中一、二之通識卷，竟然加入填充…

我學校啲卷 MC 都有添啦
通識係啲師資問題
不過唔係因為呢啲小細節而要成個項目推到

比篇新聞你睇，然後答長問題，呢種感覺不知幾爽，所以我愛通識。

呢啲就睇人

唔清楚 334 既通識點，遲啲問下啲師弟
我有個朋友讀協恩，佢話 A-Level 通識個佢修既單完有資訊科技
啱啱考完試，佢話佢老師叫佢上網 search 啲智能電飯煲之類既野，一題都無出過

我覺得我學校通識個模式仲係停留響 "死背" 階段…

hamu278 寫:我覺得我學校通識個模式仲係停留響 "死背" 階段…

間書……間書……背 terms……背 terms……（雖然有啲 terms 係必要的）

hkmtrhah 寫:

hamu278 寫:我覺得我學校通識個模式仲係停留響 "死背" 階段…

間書……間書……背 terms……背 terms……（雖然有啲 terms 係必要的）

唔係嗎.............通識好似唔係咁讀/教

kirisame 寫:

hkmtrhah 寫:

hamu278 寫:我覺得我學校通識個模式仲係停留響 "死背" 階段…

間書……間書……背 terms……背 terms……（雖然有啲 terms 係必要的）

唔係嗎.............通識好似唔係咁讀/教

佢話「咩係青少年」要背 terms
好似 ECON 咁，咩係 Law of Diminishing Marginal Returns 咩係 Historical Cost
呢啲題目好乞人憎
好彩 GEOG 無問咩叫 High Accessibility, 咩叫 Settlement

dickyho01025 寫:

bananasims 寫:334 同通識好重要

但係.....講真......真係驚通識變左另外一科死背書既科.........我見而家既Form4係咁教==比本教科書佢讀(密麻麻的data==)......
通識係重要.....但係要睇下點樣教同點樣教......
第二屆白老鼠自歎倒霉......

搞通識唔係問題

只係通識呢樣野比教育局搞到變左做pat唔知咩野啫

依加

通識->用書(根本唔應該用書,通識著重根本係時事,你本書9月印你知出年3,4月會點?)->通識跟時事,自然要年年更新->書商$$$

試題
http://ls.edb.hkedcity.net/LSCms/file/a ... SAMPLE.pdf

唔好政府講乜就信乜，睇吓啲學校真係點實施啦。
仲有，請 BNN 定義何謂大路思想。

大佬，政府做既應該係大路，唔係搞細節
香港政府之前搞項目比人狂插咪喺度搞細節，又忽略咗大嗰邊囉

好似八萬五就最明顯，我支持八萬五建屋計劃，不過政府錯就真係好錯，就係將個計劃命名為「八萬五」
起幾多樓，即係八萬五千伙，呢啲係根本細節上既野，又要定死咗自己
又唔可以跟據經濟狀況、樓宇供給去靈活改變數目
咁啱出黎又要唔啱時勢，最後唔失敗就假啦
而家班人又喺度嘈樓價貴，咪就係要靠建屋計劃呢啲政府干預去維持平衡囉

學校點樣實行係一個細節既問題，不過細節有問題唔代表個大制度有問題
你要知道，無一個制度一開始係完美
我無話呢啲唔係問題，不過係需要時間去優化
會考中文改制初頭咪又係搞得好差，從建議中慢慢優化返，而家評價都話好過舊制啦
唔應該一尾嘈一開頭有問題就回復返舊制
嘈嗰陣不如諗下啲方法優化下個制度，慢慢改進啦

大路思想咪即係社會有普遍共識既思想
好似食貓食狗呢啲，普通香港人都唔會支持，咪比較偏門既思想
如果佢問到呢啲問題你又答食呢啲係無問題的話，好難得到考官支持囉

不過大路思想都可以有兩面
好似高鐵問題，支持、反對都可以係大路思想

呢個字比較含糊，只可能 assert 而好難落一個好準確既定義

bananasims 寫:大佬，政府做既應該係大路，唔係搞細節
香港政府之前搞項目比人狂插咪喺度搞細節，又忽略咗大嗰邊囉

好似八萬五就最明顯，我支持八萬五建屋計劃，不過政府錯就真係好錯，就係將個計劃命名為「八萬五」
起幾多樓，即係八萬五千伙，呢啲係根本細節上既野，又要定死咗自己
又唔可以跟據經濟狀況、樓宇供給去靈活改變數目
咁啱出黎又要唔啱時勢，最後唔失敗就假啦
而家班人又喺度嘈樓價貴，咪就係要靠建屋計劃呢啲政府干預去維持平衡囉

學校點樣實行係一個細節既問題，不過細節有問題唔代表個大制度有問題
你要知道，無一個制度一開始係完美
我無話呢啲唔係問題，不過係需要時間去優化
會考中文改制初頭咪又係搞得好差，從建議中慢慢優化返，而家評價都話好過舊制啦
唔應該一尾嘈一開頭有問題就回復返舊制
嘈嗰陣不如諗下啲方法優化下個制度，慢慢改進啦

大路思想咪即係社會有普遍共識既思想
好似食貓食狗呢啲，普通香港人都唔會支持，咪比較偏門既思想
如果佢問到呢啲問題你又答食呢啲係無問題的話，好難得到考官支持囉

不過大路思想都可以有兩面
好似高鐵問題，支持、反對都可以係大路思想

呢個字比較含糊，只可能 assert 而好難落一個好準確既定義

:0)咁如果個考官都支持食貓狗點算,考生無可能知道考官性格架喎,你咁講咪講到考生應該配合考官?

答案咁樣已經變左做唔係講證據同LOGIC有無錯,而係用所謂嘅「道德」嚟改卷

幾時考試都係你配合個考官而唔係考官配合你啦
用人黎改卷永遠都有呢一個問題

好似有啲題目，話非法下載正唔正確
你答正確基本上都係會比好低分
所以識得配合考官係一種考試技巧

任何一個有主觀判斷既卷都係有呢個問題
文科啲卷大部份都係主觀判斷，
唔係點解文科 20 分可以話高分過理科 20 分

舉例唔好舉到咁差，「非法下載」就梗係唔正確㗎啦，除非嗰個社會唔係法治囉 (clown-jesus.gif)

八萬五 —— 炒咗個政策嘅原因有好多，有啲係重要原因，有啲係小原因，將個名叫做「八萬五」唔係八萬五衰咗嘅重點

跟住嗰段，我想講，洗濕咗個頭可以當乜事都冇，下一年即刻變返舊制㗎咩？唔通閣下想學董伯伯，「唔提及就等於唔存在」？依家三三四已經洗到個頭勁濕，你覺得轉舊制嘅可能性，係咪低於零？我冇支持過回復舊制，作出改善（「優化」）好明顯係唯一出路，但係咪唔搵頭一兩屆學生做白老鼠不可？出咗模擬試題，就已經有可以針對、建議改善嘅地方，唔一定要等到真係考第一屆文憑試嘅時候先至講囉，除非份 mock 係流嘅啫。

至於大路思想，唔知 bnn 有冇讀過謬誤，有種叫做「訴諸多數」的謬誤——即一個言論僅僅因為受大多數人接受和歡迎便被確認為真。^(source)舉一個例，壬圓論壇大多數會員都認為模擬香蕉係米王，唔代表模擬香蕉一定係米王。我明白考生為保安全，多數會以大路思想作答，冇問題。但係唔代表小眾思想得唔到分係應該。假如我提出理據答模擬香蕉並非壬圓米王，而考官比低分我，係咪我答小眾思想嘅錯？定係考官質素差嘅錯？前提：「通識科着重考生能否清晰、簡潔及合乎邏輯地闡述和支持其觀點，而非背誦資料的能力。」^{(見模擬試題封面)}因此只要支持模擬香蕉並非壬圓米王的觀點係清晰、簡潔、合邏輯，（理論上）就會得到高分，記實模擬香蕉係米王為大路思想，一來容易跌入「訴諸多數」的陷阱，二來又會唔會係另一角度的「背誦資料」？

另外 bnn 提過嘅兩個例子：支持希特拉及食貓食狗，唔好意思，支持希特拉已經有共識係有問題（某些歐洲國家更可以被刑事入罪）；食狗食貓就係犯香港法律。犯法嘅嘢冇爭議餘地，因此舉呢啲例來證明小眾思想得唔到分係考生抵死，並不正確。

中五會考中文改制就係好例子
份模擬試題開始出，啲人批評建議，最後出到好似 perfect 咁，無人話有問題
最後 2007 嗰陣咪又係出晒事比人嘈
我都想無白老鼠啦
不過，呢啲咁理想既野事實係做唔到
事實上係一定要考過幾年先至知道份卷出成點先至做得最好
Ought means Can
考多幾年先再評定都未遲

二，澄清返
我唔係話小路思想係等如錯
不過，你如果答咗小路思想，就唔好期望個考官比好高分你
然之後考試香咗就話有問題

都講咗，人改既卷一定有呢啲問題
改得好唔好就係好睇考官質素
亦都無可能一步到位

香港其實最好就學返大陸既改卷方式
聽聞返黎，
一 group 人（大約十幾個）改一題
即係每位考官都只可以改一題
咁樣可以保持個尺度準確