由於小弟見到好多網友都討論彩蛋BUG嘅問題,但係小弟都試極都唔中呢個彩蛋BUG...
因此小弟用盡一切方法去嘗試撞中呢個彩蛋BUG,終於都撞到><
咁小弟又唔係真係為體驗呢個BUG而去撞,最緊要係研究個BUG點解會出現~
咁經過小弟多番研究,發現每收集一隻彩蛋都會更新個背包一次。姐係話個BUG係出現喺攞咗蛋同放入背包之間。
一個正常嘅程序係咁嘅:
取得物件在手-->由系統判斷該物件屬於咩類別-->從系統圖片庫中選出該物件嘅圖片-->將已選擇之圖片放喺玩家嘅行動列(左上角)-->人仔會做出指定動作-->人仔會喺系統嘅公共物件*庫入面取出「彩蛋籃」-->人仔將手上嘅彩蛋放入「彩蛋籃」-->系統會將彩蛋從「彩蛋籃」中取出-->放入人仔個背包-->人仔會收埋個「彩蛋籃」-->指令動作完成-->左上角嘅指令動作消失
成個過程中,彩蛋唔出現喺人仔背包係因為彩蛋入咗「彩蛋籃」,之後系統又要拎番隻彩蛋出嚟,但係系統又唔覺意咁拎埋個「彩蛋籃」出嚟。由於「彩蛋籃」係屬於系統嘅公共物件,不能歸人仔所有,因此收番個「彩蛋籃」入去系統嘅公共物件庫入面(隻彩蛋都擺埋入去)。所以人仔個背包入面會更新,但係最終都係冇彩蛋出現。
咁點解有時又會成功出現彩蛋呢?
咁係因為系統喺將彩蛋同「彩蛋籃」分離嘅嗰一刻及時喺系統嘅指定時間內做得切,所以冇事。
*
系統嘅公共物件嘅意思即係話本身嗰肄物件並唔屬於人仔,係系統有個位要嚟擺佢地嘅。例如煮嘢食時用嘅刀、焗嘢食時嘅嗰個鐵兜、煎嘢食時用嘅煎PANG等等
所有人都有權使用嘅,但係用完會還番俾個系統。
但由於系統所供應嘅物件每件都有自己嘅數目限制,所以玩家們都盡量避免使用太多,以免出現疾機情況
例如唔好煮太多餸,一人食就煮一份,唔好下下都用招待,因為招待嘅餸入面佢有好多份,每份都要有一隻碗或碟