暫時試到嘅係：
1.冇新城市...(有點兒極之失望)
2.可以喺城市入面上網識FD(城入面嘅FD)(我見到有鬼魂用呢個功能0.0)
3.可以自己調整4季長短，甚至可以移除季節(即係話我可以整到成隻GAME得冬天冇春夏秋)
4.用天氣石有成功同失敗，我到而家都未成功過= =(天氣石要SEASONS+SUPERNATURAL裝哂先有)
5.多咗2種特徵，「愛寒冷」同「愛炎熱」
6.狼人使用天氣石成功嘅話有2小時嘅特別心情叫做「獵人的風暴」，有呢個心情就會喺呢2小時內狩獵到嘅嘢都唔普通，可能係稀有或以上
7.撳落信箱度可以寫情書俾人(男女都得，唔同國家都得)
8.1.終生獎勵多咗「節日迷」=5000終生幸福點數(可以喺節日活動賺取更多獎卷)
8.2.終生獎勵多咗「實力大胃王」=5000終生幸福點數(參加大胃王比賽時唔會出現太飽或想嘔)
8.3.終生獎勵多咗「模擬免疫力」=5000終生幸福點數(有超強免疫力，可以防止生病、過敏&嘔吐)
8.4.終生獎勵多咗「對炎熱免疫」=10000終生幸福點數(曬太陽可以曬到古銅色而唔傷到皮膚。正常人係會曬傷皮膚，但有呢個獎勵就永不曬傷)
8.5.終生獎勵多咗「全天氣冠軍」=10000終生幸福黠數(所有季節運動都能更易上手，例如：滑雪、溜冰)
8.6.終生獎勵多咗「對寒冷免疫」=10000終生幸福點數(能夠時刻保持身體溫暖，唔會出現凍僵情況)
8.7.終生獎勵多咗「「雲來9000」」=30000終生幸福點數(一支天氣槍，向某人射「雨彈」就會有舊雨雲跟住佢。同樣地向某人射「雪彈」就會有舊雪雲跟住佢)
8.8.終生獎勵多咗「氣候控制器」=40000終生幸福點數(唔駛多講啦~)
9.可以透過玩節慶遊戲而獲得「節慶獎卷」(「節慶獎卷」係要嚟買煙花)
10.多咗樣植物可種「南瓜」(只能在秋天種植)
11.秋天時可以將樹葉掃埋一齊，儲成一堆後可以「玩」(勁扣衛生)、「燃燒」(一把火燒咗佢)、「丟棄」(丟去垃圾筒)
12.秋天會出現大量松鼠
13.雨傘喺F2模式購買(戶外活動類別)，雨傘可升級為「發光」或「摔不壞打不爛」
14.外星人不能使用天氣石
15.外星人嘅腦力=人類嘅精力
16.外星人使用特異功能時會扣腦力
17.外星人可以透過腦電波吸取別人體力去增加自己嘅腦力(被吸取者會有個心情，呢個心情會拖慢工作、學習效率，持續一小時)
18.外星人可以透過腦電波提升別人體力，但會扣除自己嘅腦力(被提升者會有個心情，呢個心情會提升工作、學習效率，持續一小時)
19.由於外星人係高智慧生物，所以佢本身已經精通咗邏輯技能
20.由於外星人係高智慧生物，所以佢本身都有一定嘅靈巧技能(至少有等級7)
21.外星人可以喺空地召喚流星(需要一整條腦力BAR)
22.外星人可以透過食隕石去補充腦力
23.外星人可以用腦電波去對別人使用「控制心智」，被「控制」者會有一個心情「精神奴役」(-5心情，持續6小時)，被「控制」時會乜都肯做，猶如奴隸一樣
24.外星人有自己嘅「銀河星太空車」，可以升級為「雷射炮」或「太空旅行」
24.1.升咗做雷射炮可以侵略城內嘅公共地方，侵略完成後會有一個心情「侵略者！」(+10心情，持續5小時)
24.2.升咗做太空旅行可以去其他星球旅行，旅行途中可能會執到啲嘢，旅行完成後會有一個心情「經歷太空冒險！」(+10心情，持續5小時)
25.外星人可以用「銀河星太空車」嘅「綁架」功能去強行邀請某人去你屋企
26.外星人可以用「銀河星太空車」嘅「製造風暴」功能去更改天氣(天氣情況由電腦隨機決定)
27.外星人可以去軍事基地度向軍方兜售有關外星人嘅秘密
外星人機密.PNG
28.外星人可以用腦電波去「掃瞄」其他人，「掃瞄」係要嚟睇對方有咩特徵，不限次數(姐係話可以睇哂對方5個特徵都冇問題)，但係會扣除腦力。
29.外星人除咗使用超能力之外係唔會扣除腦力，所以唔駛瞓教
30.外星人唔夠腦力時可以用「恢復腦力」去補充失去咗嘅腦力(先要條件係腦力未滿同埋附近要有得坐低)
31.巫師有BUG，暫時溜冰都唔會有花式
32.仙子有BUG，暫時溜冰都唔會有花式
33.殭屍狀態唔能夠正常咁溜冰
34.狼人狀態唔能夠正常咁溜冰
35.吸血鬼唔能夠正常咁溜冰
36.狼人狀態玩攝影係唔會中攝影BUG
37.有關彩蛋嘅BUG我會另外再開POST講
P.S. 此篇章將不定期進行更新
由 Managzium » 2012-11-13, 13:43 
