經過小弟多番實驗之後，終於都研究到唔疾機嘅方法！
首先，我要解釋咩叫疾機（我驚有人誤會疾機嘅意思）。疾機嘅意思即係人仔頭上粒晶繼續轉，但係所有嘢都唔郁同撳唔到制。
好喇，而家講預防及解決方法。
預防：
1.當畫面右上角出現「分享這份回傯！」時，你就撳入去，之後就喺張圖嘅左下角撳個垃圾桶，將回憶刪除（唔可以有太多嘅回憶，如果每人有一百個回憶，一家三口就有三百個回憶。所以我建議唔好儲存任何回憶。）
2.唔好用超級秘技去撳一個功能，個功能叫做「使我得知每個人」<--大概係咁嘅名
3.一個城市唔好有超過兩個SAVE檔
4.個人背包入面唔好擺太多嘢。以每行四件為準（每個只有一件，冇重覆），唔好多過五十行（可能部部機嘅容量都唔同，數字唔能夠百份百作準）
5.常見嘅地方唔好擺太多嘢（例如自己屋企）
6.盡量唔好用CHEAT去CHOK錢。GAME內應該有個CHOK CHEAT記錄表（我地唔會睇到，但都唔能夠排除呢舊嘢存在嘅可能），CHOK得越多，個表嘅FILE SIZE就越大，LOAD嘅時間亦會隨之而增加（呢啲都只係我嘅估計，可能係我估錯都唔定。不過我都覺得抱住「寧可信其有不可信其無」嘅心態會好啲...）
解決方法：
1.喺人物分析度搵回憶本，之後刪除所有回憶
2.唔好存有太多錢，容量始終係有限，用得越多LOAD得越耐呢個原理我相信大家知道
疾前先兆：
1.通常疾個陣都係有啲事要發生，例如小人被人被人錯誤指責或者係小人做啲衰野已經被全鎮人知道哂個時就會疾(類似名譽掃地)(資料由gordonfun1234提供)
2.有NPC正式轉化成吸血鬼個(資料由gordonfun1234提供)
3.有鎮民搬出或搬入都會(資料由gordonfun1234提供)
到咗最後，我都盡啲綿力去勸下大家，盡量唔好用MOD，因為MOD有一定嘅機率會同GAME內嘅原設定發生衝突
多謝閱讀，如有問題或其他解決方法可提供，請不妨提出！
thanks
