手寫板→九方XP字型→新倉頡(三同五 mix)
九方我用得最耐,不過我而家都唔記得點打。
因為IE7同新版MSN用九方XP會 crash,要畀錢買新版Q9先無事。但所有新版限裝三次,所以先響上年走去拎返以前啲書同碟學倉頡。
同埋Ai 啲 shortcut key 同 Windows 轉輸入法的 shortcut key 撞,個九方介面本身就好大,又係咁彈出彈入,真係好煩。
最初學倉頡都係對住啲咩輔助字形同 keyboard layout 來打,打打吓就開始捉到打法。而家都好少要去查 follow me。
其實打唔到好多時係因為唔記得/ 唔識點寫隻字,又或者果隻字係慣咗用簡體寫而未必諗到。就好似挑釁個釁字,font size 細啲都睇唔到點寫。畀我寫都會用簡體寫算。仲有個"沒"同"没"字,最初我都唔為意原來我一路都打簡體字,係後來查返先知。
九方有個好處係可以畀你查同音字,所以唔識寫可以好方便咁打到隻字出來。反而跟 OS 的倉頡速成就無。
而家唔識寫要查粵音韻彙查同音字。
果時我係用 Office 07 的新倉頡來打,貪佢唔洗揀字同埋打全形標點好方便。可能一向就打開傳統果隻輸入法會接受唔到,死都要揾返以前果個版本來裝。
其實倉頡並唔係好好,有啲字取碼方法好怪。只不過香港啲僱主唔鍾意啲員工裝其他軟件/輸入法,只係畀用跟 OS (Windows) 果啲,先會令倉頡速成響香港變成主流,所以香港無乜人會去研發輸入法。就好似香港郵政搞的 eCert 咁,因為各大 OS 都無預載佢果張 root cert,結果係得啲政府網先會用,仲要上去佢地啲網又要彈舊嘢話證書唔安全。結果啲公司只會幫襯果幾間大 CA。
但大陸就唔同,啲僱主可以畀員工自己裝返自己用開的輸入法。因而輸入法五花百門,漢語拼音輸入法都好好幾十種。公用電腦都會裝唔同的拼音輸入法來畀人用。
最後,唔好買果啲咩倉頡字典,因為係完全無用。
----------------------------
投票果個「筆畫」係咪就係T9?