MX328
i255
其實係響 8 月 1 號買的，$648。
因為之前果部 Canon i255 個紅色墨頭塞咗，用熱水沖都唔得。打去 Canon 問又話停咗產無得買返個噴頭。於事買過部算。
其實呢部機唔錯，機平代用墨又夠平，所以都無 refill，只係一直買代用墨用。原全唔會有咩 reset 晶片的問題。
今次特登買返墨頭跟盒的型號，萬一塞咗搞唔掂最多都係買過個盒，唔洗成部換。
用晒跟機墨就 refill。印量唔多所以唔搞連供啦。填充墨大家有咩好介紹？
而家啲廠整埋晒啲 counter，乜都數住晒。可能用量夠數就話你部機壞。個墨盒又要整晒晶片，機又整到有嘢遮住個墨盒上面，等你裝連供時啲喉頂住晒用唔到。而家買 printer 除咗睇個價同功能之外，仲要睇埋有冇得清零（廢墨、墨盒）、點 refill、點裝連供。
而家啲 printer 好平，如果齋印的話百幾二百蚊就有部。用原廠墨的話用晒佢跟機啲墨就可以索性買過部新，舊機可以 call 明愛免費上門收機。
Printer 買返來唔好嫌墨貴而唔用，唔用塞咗仲衰。洗墨頭花的墨分分鐘仲晒過你一個星期印張嘢。
呢部機得 2ppl，印相就麻麻（印相的話應該買 EPSON），印文件就唔錯。
好處：
- 有 ADF
- 有得將 Scan 出來的檔案 save 落 USB 手指入面，唔洗開電腦都得
- 部機硬件唔支援雙面印/scan 都好個軟件/driver 都會提你點手動反紙
- 跟機個 scanner 軟件啲功能唔錯，可以拉 curve
- LCD 有中文介面
缺點:
- Scanner 唔支援 F4A size，ADF 唔支援任意長度的紙
- 無得用電腦收 fax。收返來的 Fax 一係印；一係唔印，無得 preview。
- 跟機送的 OCR 好廢，尤其是中文。
- 列印 Template 無得自己換，graph paper 啲格好大
- 無 ID Card 影印功能（卡兩面 scan 完印落同一張紙）
- 無 hard copy 的說明書，說明書一定要安裝先可以睇。同埋無 PDF 版
- 揾唔到有 reset ink level 的程式
相：
