話說我有個恆生綜合戶口，另外有個Debit Mastercard a/c，一張Alpha Card控制哂兩個a/c
咁係申請果陣條友講左用ATM或者食錢機係即時過數，其他方法要等一個工作日
咁我琴日放左學就係食錢機入數落debit card個戶口啦，諗住趁The Body Shop最後一日特價去掃下貨
誰不知碌卡果陣發現過唔到數，我已經心知不妙，唯有用EPS找數
每$250簽帳額先可以換到$1 Cash Dollar，而且係一路累積落去，
月尾結數一次過加埋哂總簽帳額先再計番得到幾多Cash Dollar
我買完野去ATM check數，發現debit card a/c入面一個仙都冇多冇少，換言之即係仲未過數
就係咁白白間接搞到我冇左最少$2 Cash Dollar
而呢間歷史咁悠久既銀行呢，貴為匯豐集團成員之一，但平日運作就同佢大佬完全唔同
好似開戶，以個人經驗黎計，匯豐同中銀都有一套程序，先攞籌後埋位，
坐定定俾身份證同埋住址證明佢就會幫你搞掂哂所有手尾
但恆生呢？呢間野都真係幾有趣，咁費時既工夫竟然係櫃位搞，
怪不得成日見有D客企係度幾個字都唔走囉，原來乜野狗屎垃圾都係櫃位搞掂哂，簡直弱智，低效率不特止仲要個客罰企對住塊玻璃望住你填form
佢個e-banking一樣係咁江弱能
匯豐果個呢，你首次開戶既對完身份就自動搞掂哂，頭幾日只係打password黎login，但一個禮拜內就有部密碼機寄到黎
而佢個系統都好聰明，你收到部機果日佢個login page就自動多左個option俾你activate部機
每次login同埋過數都要用部機先可以繼續，十分之安全，我好滿意
(但我而家極唔滿意佢新版龜速e-banking)
恆生果個，我真係想像唔到同一個集團，做細既可以弱智咁多
開戶要對身份呢個就一定啦，但要自己打埋戶口號碼，而最低能既地方就係我個綜合戶口號碼得十個位，
佢係都要逼我入12位a/c no.落去，大佬你想我點嘔多兩個碼出黎？
最後要打信用卡果個水蛇春咁長既號碼先開到戶，然後再人手加番同名戶口落去
(如果我有成十個戶口，咁咪有排揀？
)因為我未夠18歲，所以好多功能都用唔到，e-banking都唔例外
HSBC我落分行同個靚女講聲「幫我開左網上過數俾第三者功能」，
再俾埋身份證同提款卡佢，佢就自動波幫我填form，我要做既只係簽個字就得
過左三日就有得網上過數俾人，但記住無論我有冇呢個功能都係要用密碼機login
恆生都當然冇得網上過數呢，我開頭以為係因為我唔夠18歲，咪照落分行慢慢排隊係櫃位叫佢開番俾我囉
咁佢又隔住塊玻璃，罰住企咁睇佢幫我填form，簽完名佢俾左個盒仔我，原來係部密碼機！
我果陣先明，原來恆生根本就唔當D客上網check數係乜野既一回事，由佢地低設防login就算；
連密碼機既成本都要慳，要網上過數俾第三者先有得用，但login一樣都唔洗用部機，只係過數先要
番到去activate部機啦，點知又話我唔夠18歲！
落去同另一條友講數，佢竟然同我講話「之前個員工可以以為你夠18歲，先批俾你架咋，我幫你取消番佢，你出年再黎搞啦」
乜我俾埋身份證佢睇都可以睇唔出我未夠18歲？張相同我差好遠喎？
呢間廢柴銀行真係冇得救，等我夠18歲可以申請Credit card就即刻會逃離佢既魔掌
